WIKI MBILI ZA KUFUNGA NA KUOMBA: DPC
11-23 Januari 2021
MAMBO YA KUOMBEA
ALHAMISI: 14/1/2021
- Omba Roho Mtakatifu akusaidie na kukupa nguvu ya kutembea katika mapenzi ya Mungu katika mwaka 2021.
Mathayo 6:10, Yeremia 29: 11-12 •Omba Roho Mtakatifu akufunulie mapenzi na kusudi la Mungu kwako katika msimu huu.
1 Wakorintho 2: 9-12
• Omba Roho Mtakatifu akuelekeze na kukufundisha jinsi unavyopaswa kufanya mambo na kutekeleza mipango yako ya mwaka 2021.
• Kulingana na Isaya 14:27 na 46:10, tangaza kwamba Mungu atatimiza kusudi lake kwako na hakuna chochote kitakachozuia mipango yake juu ya maisha yako.
- Omba Roho Mtakatifu alipe kanisa (DPC) nguvu ya kufanya mapenzi ya Mungu na atufunulie tunachopaswa kufanya katika msimu huu. Mathew 6:10
• Omba Roho Mtakatifu awawezeshe na kuwaongoza wachungaji na viongozi wote kuliongoza kanisa sawa sawa na mapenzi ya Mungu.
Omba roho ya ufunuo na ufahamu juu ya viongozi wote. Waefeso 1: 17-19
• Ombea kila mshirika ajazwe maarifa ya mapenzi ya Mungu juu ya maisha yake na kuishi sawa sawa na mapenzi ya Mungu. Wakolosai 1: 9-10
- Ombea Tanzania na mataifa mengine; Ufalme wa Mungu utawale na mapenzi yake yatimizwe. Zaburi 33:12 •Ombea kusudi la Mungu litimie katika mataifa yote ya ulimwengu. Mithali 19:21.
• Ombea mioyo ya viongozi wetu ifungamane na mapenzi ya Mungu juu ya nchi zetu ili waongoze sawa na mapenzi yake. Zaburi 22:28, Mithali 21: 1
