HUDUMA ZA JAMII NA MAENDELEO ENDELEVU
1. Ombea Mkurugenzi wa Idara ya Huduma za Jamii na Maendeleo Endelevu pamoja na watendaji wote wa idara hiyo katika ngazi za jimbo, wilaya na kanisa la mahali ili Mungu awasaidie kutimiza majukumu yao kikamilifu.
– Omba wawe na bidii, ubunifu na kumiliki majukumu. Yeremia 48:10, Mhubiri 9:10, Ezra 10:4, 2 Timotheo 2:7
2. Ombea Shirika la Light of Hope Tanzania (LHT) ambalo limesajiliwa kama mkono wa huduma za jamii kwa Kanisa letu la PAG Tanzania. Omba Mungu afungue milango ya rasilimali fedha na watu pamoja na vitendea kazi vinginevyo.
– Omba kwa ajili ya washirika/watoa fedha watakaojitoa kwa mwendelezo kwa muda mrefu na kwamba LHT na hao watoa fedha waunganishwe kimungu.
3. Ombea makanisa na washirika wote wa kanisa letu la PAG Tanzania ili waweze kuwa na mzigo na moyo wa upendo wa kuwahudumia masikini na wahitaji kikamilifu kwa hali na mali.
Mathayo 25:31-46, Yakobo 1:27, Zaburi 82:3, Mithali 14:31.
– Omba pawepo mikakati endelevu ya kuwawezesha maskini. Katika hali hiyo hiyo mshukuru Mungu kwa ajili ya NCCT na kuomba kwamba matokeo ya kinachofanyika yafike mbali zaidi.
